Luxchat

FAQ

FAQ

Point-logo
Point-logo
Point-logo

Luxchat ass e Service, deen et senge Benotzer ermĂ©iglecht, zu zwee oder zu e puer Persounen op eng direkt, sĂ©cher a vertraulech ManĂ©ier ze kommunizĂ©ieren. De Service ass gratis, ouni Reklammen an ouni Notzung vun de persĂ©inlechen DonnĂ©eĂ« vun de Benotzer, sou datt hir PrivatsphĂ€r optimal geschĂŒtzt ass.

Luxchat ka vun de Lëtzebuerger Residenten, vu Frontalieren a vun den Entreprisë benotzt ginn.

D’PrestatairĂ« vum Luxchat-DĂ©ngscht sinn an enger Ă©ischter Phas:

Mir hoffen, datt nach aner Prestatairen nokommen.

Jo, mat Luxchat sinn all Kommunikatiounen Enn-zu-Enn-verschlësselt.

D’Noriichten an dĂ©i ugespĂ©ngelt Fichiere ginn a verschlĂ«sselter Form op de sĂ©chere Servere vun de Luxchat-PrestatairĂ« gespĂ€ichert. Absolut keen ausser Iech selwer an de Leit, mat deenen Dir kommunizĂ©iert hutt, kann Är Noriichten an dĂ©i ugespĂ©ngelt Fichiere liesen. Weeder d’Prestatairen nach iergendeng aner Persoun kĂ«nnen Är EchangĂ« liesen.

Luxchat ass op iOS, Android, Windows, macOS an am Web verfĂŒgbar.

Jo, et ass méiglech, Luxchat op verschiddene GerÀter glÀichzÀiteg ze benotzen.

  • Luxchat ass fir d’BevĂ«lkerung, d’Frontalieren an d’EntreprisĂ« geduecht.
  • Luxchat4Gov ass fir de beruffleche Gebrauch vun de Mataarbechter aus dem Ă«ffentleche Secteur geduecht.

Luxchat a Luxchat4Gov ginn op getrennten IT- an DatespÀicherinfrastrukture bedriwwen.

Am Kader vum Projet Luxchat sinn d’IT- an DatespĂ€icherinfrastrukturen dezentralisĂ©iert, si Ă«nnerstinn der Opsiicht vun deene verschiddene Prestatairen a si vum Luxchat4Gov-DĂ©ngscht, deen de Mataarbechter aus dem Ă«ffentlechen DĂ©ngscht virbehalen ass, getrennt.

Jo, d’DonnĂ©eĂ« vu Luxchat a vu Luxchat4Gov hunn dee selwechte SĂ©cherheetsniveau.

Nee, d’PrestatairĂ« vu Luxchat hu keen ZougrĂ«ff op Är Geolokalisatioun. D’Luxchat-Applikatioun kann awer, wann Dir dat an den Astellunge vun Ärem Telefon erlaabt, op Är Geolokalisatioun zougrĂ€ifen, an zwar ausschliisslech fir den Zweck, datt Dir enger oder e puer Persounen, mat dĂ€r/deenen Dir kommunizĂ©iert, Äre Standuert schĂ©cke kĂ«nnt. D’Geolokalisatiounsinformatioun ass verschlĂ«sselt, genee ewĂ©i dĂ©i aner Noriichten, dĂ©i Dir op Luxchat schĂ©ckt a kritt.

  • Klickt op Ären Avatar (Foto) a wielt de MenĂŒ „ParamĂštres utilisateur” (Benotzerastellungen) aus.

  • Klickt op „SĂ©curitĂ©â€ (SĂ©cherheet).

  • Klickt op „Configurer” (KonfigurĂ©ieren).

  • Klickt op „Continue with LuxID” (Mat LuxID weiderfueren).

  • Gitt Äre LuxID-Benotzernumm an Äert Passwuert an, klickt dann op „Se connecter” (Aloggen).

  • Gitt de Code, deen Dir per SMS krut, an, klickt dann op „Suivant” (Weider).

  • Klickt op „Fermer” (Zoumaachen).

  • Duerchlaaft dĂ©i verschidden Etappe fir d’VerschlĂ«sselungspasswuert ze kreĂ©ieren.

 

Den Inhalt vun Äre Kommunikatiounen a verschlĂ«sselter Form gĂ«tt spĂ©itstens 12 MĂ©int nom VerschĂ©cke vun ugespĂ©ngelte Fichieren (Sproochnoriichten, gedeelte Fotoen a Videoen) automatesch vum Server vun Ärem Luxchat-Prestataire gelĂ€scht. Bei Textnoriichte lĂ€it dĂ«sen Delai bei 24 MĂ©int an dat onofhĂ€ngeg dovunner, ob Äre Kont aktiv oder desaktivĂ©iert ass.

Fir mĂ©i Informatioune liest wgl. d’Informatiounsfiche fir d’Veraarbechtung vu persĂ©inlechen DonnĂ©eĂ«n op der WebsĂ€it https://luxchat.lu/app-privacy-policy/

DĂ©i pro Benotzer zougeloosse SpĂ€ichercapacitĂ©it lĂ€it bei 0,5 GB (dat entsprĂ©cht ongefĂ©ier 100 Fotoe vu 5 MB). Wann dĂ©i pro Benotzer zougeloosse SpĂ€ichercapacitĂ©it iwwerschratt ass, behĂ€lt Äre Luxchat-Prestataire sech d’Recht vir, dĂ©i eelst Noriichten an ugespĂ©ngelt Fichieren, dĂ©i iwwer dĂ©i zougeloosse SpĂ€ichercapacitĂ©it erausginn, ze lĂ€schen.